سوالف البنات في المدراس

السلام عليكم
شلونكم ياكايز وياكايزات

اليوم راح اراويكم البنات بالمدرسة شيسوون

يلا نبدي:::::

البداية مع التفتيش الست:ليش صدريتج موديلها جنه فستان عرس ؟ ....... ست هذا ستايلي ..

ليش حاطة عدسات زرك ؟سسست هية عيوني هيجي.. امي اوروبية .
اي خير ان شاءالله

ليش كل هذا الكحل ؟ ست عيوني مكحلة من الله.. هاي منينلج؟(ههههه)ههه
ليش امصبغة اظافيرج ؟ ست هاي حنة متنمسح مو مناكير . : خلي يولن

ليش ماترددين تحية العلم ؟ست بلاعيمي تعورني ............. ههههه ومن الجهة الثانية صوتها ويا سوالفها واصل لآخر صف

ليش تسولفين بدل ما تستفيدي من الإرشادات ؟ ست مو بي اني كل الصف ..بعدين الإرشادات مكررة هي وفقرة هل تعلم السخيفة

ليش كل هذا المكياج ؟ست البارحة جان عرس ابن عمي للفجر .ومالحكت امسحه ....!!((خطية قهرتني))

نشوف سوالف الدلوعات :

-ألبارحة رحت عرس جيراننا لبست فستاني الجديد الكشخة التركواز والا**سوارات اللي هستوني مشتريتهم من عمان من كليرز و سابو فرساتشي اللي اشترالي إياه أخوية من لندن (هسة يجي..ديجيب صمون) وكل الناس تباوع بس عليةعبالك اني العروسة .(لالا مستحيل)

-تدرين ويامن سولفت ألبارحة ع الجات؟واحد لبناني وحاط صورته يمة يخبببببل ...اشكر و عيون خضرا جنة براد بت؟؟؟؟(يمكن براد بت عيونة زركة؟).

(حلوة هاي مال لبناني لميهن لتخليهن مطشرات)

و نخلص بالبنات اللي اختصاصهم الحش :

شفت سعاد البارحة فاتحة شعرها جنه سيم مواعين عزة.

-لالا لج شفتي هاي شسمها منى اللي على اساس عايشة في ماليزيا اليوم جاية بلوز صوف والحراره 40 درجة صدك دماغ . (شرحوها للبنية)

-ولا مجموعة فراشات الشعبة "هذولة اللي يلمون الدفاتر و يسجلون الغيابات يمسحون الصبورة " نظيفات الله يسلمهم (بلكت المدرسة عدها ولد وتزوجها لابنهة)

وهاهية
يلا شوفوني ردودكم

رداً برد لا سلاح باليد
تحياتيـــــــ